22 Октябрь, 2020

Табрикоти Федератсияи Иттифоқҳои касабаи мустақили Тоҷикистон

                                                                                                                                                                 

                                                                                                                                                            Ба  Президенти

                                                                                                                                                            Ҷумҳурии Тоҷикистон

                                                                                                                                                            Пешвои миллат,

                                                                                                                                                            муҳтарам Эмомалӣ Раҳмон

 

                    Муҳтарам Ҷаноби Олӣ,

 Бо камоли майл,  Федератсияи иттифоқҳои касабаи мустақили Тоҷикистон Шумо Пешвои муаззами миллатро ба муносибати пирӯз шудан дар маъракаи интихоботӣ ва интихоб гардидан ба мансаби Президенти Ҷумҳурии Тоҷикистон сидқан шодбош менамояд.

        Боиси ифтихор аст, ки дар ҳама давраҳои интихоботӣ ягона Номзади арзанда — Шумо Ҷаноби Олӣ будед, ки Иттифоқҳои касаба Шуморо ба  мансаби   Президенти Ҷумҳурии  Тоҷикистон пешбарӣ  карданд ва сарбаландона гуфта метавон, ки ин интихоб бобарор ва арзандатарин мебошад.

        Маъракаи интихоботии навбатии Президенти Ҷумҳурии Тоҷикистон дар шароити муътадили ҷамъиятию сиёсӣ баргузор гардид.

      Корнамоиҳои Шумо — Пешвои муаззами миллат, ки ба хотири рушди Тоҷикистон ва пояндагии адолати иҷтимоию сиёсӣ  амалӣ шуда истодаанд,  бо ҳарфҳои заррин дар таърихи Тоҷикистон ва башарият ҳаккокӣ хоҳанд шуд!     

       Аксарияти муваффақиятҳои ба дастомадаи соҳаҳои кишвар ба фаъолият, ташаббус, қобилияти бунёдкорӣ, матонату ҷасорат ва сиёсати хирадмандонаи Шумо Пешвои муаззами миллат дар роҳи пешрафт ва рушди Тоҷикистон алоқамандии бевосита дорад.

       Ҳар яки мо аъзои иттифоқҳои касабаи Тоҷикистон  заҳматҳои ҳаррӯзаатонро дар роҳи сулҳу субот, ваҳдату ҳамдилӣ, созандагию бунёдкорӣ эҳсос мекунем ва ҳамеша гиромӣ медорем.   

         Интихоб намудани Шумо ба мансаби Президенти Ҷумҳурии Тоҷикистон  гувоҳи аз ҷониби ҷомеа эътироф гардидани саҳматон дар рушду таҳкими асосҳои соҳибихтиёрии давлати тоҷикон буда, аз дурустии сиёсати дурандешона, ки пайгирона ба баланд бардоштани сатҳи некӯаҳволии шаҳрвандони кишвар ва обрӯву эътибори он дар арсаи байналмилалӣ нигаронда шудааст, шаҳодат медиҳад.

       Федератсияи иттифоқҳои касабаи мустақили Тоҷикистон ташаббусҳои Шуморо барои пойдории сулҳу оромӣ, таҳкими ваҳдат, худшиносӣ, худогоҳӣ, ватанпарастӣ, рушди иқтисод, таъмини сатҳи зиндагии арзанда, гулгулшукуфоии кишвар, пирӯзӣ ва саодати миллати соҳибфарҳанг, кӯҳанбунёду тамадунофари тоҷик ҳамеша гиромӣ медоранд.

      Минбаъд ин иқдом аз ҷониби Иттифоқҳои касаба идома, пайгирӣ ва ҷонибдорӣ карда хоҳад шуд.

      

      Муҳтарам Пешвои муаззами миллат!

                Ба Шумо тансиҳатӣ, шуҷоату қаҳрамониҳои навбатӣ  баҳри хушбахтии кулли тоқикони дунё таманно дорем.

                Бигузор ҷовидон соябони сари миллат бошед!

 

      Бо самимият ва эҳтироми хоса,

      Раиси Федератсияи иттифоқҳои

      касабаи  мустақили

      Тоҷикистон                                                                                                                                                       Файзизода И.Н.