15 Декабрь, 2019

ИТТИФОҚҲОИ КАСАБАИ ТОҶИКИСТОНУ УЗБЕКИСТОН ХОСТОРИ ТАҲКИМИ ҲАМКОРӢ ШУДАНД

Рӯзи 23 сентябр дар толори конфронси меҳмонхонаи “Суғдиён”-и шаҳри Хуҷанд бо иштироки роҳбарони Федератсияи иттифоқҳои касабаи Тоҷикистон ва Узбекистон семинари минтақавӣ баргузор гардид
Бино бар иттилои дафтари матбуоти раиси вилояти Суғд, семинари минтақавӣ дар мавзӯи “Стандартҳои байналхалқии меҳнат дар таҳкими қобилияти муқовиматпазирии ҷомеа ба буҳронҳо ва татбиқи ҳадафҳои меҳнати арзанда” баргузор шуд.
Дар зарфи ҳафт моҳ Тоҷикистон аз Узбекистон 72 миллион метри мукааб газ харидорӣ намуд
Тавре манбаъ хабар додааст, дар семинар раиси Федератсияи иттифоқҳои касабаи мустақили Тоҷикистон Қодири Қосим, ва раиси Федератсияи иттифоқҳои касабаи мустақили Узбекистон Қудратулло Рафиқов, ва мудири бахши Аврупоӣ — Осиёи Марказии ташкилоти байналхалқии меҳнат (МОТ) Сергеюс Гловатскас ширкат варзиданд.
Ҳайати Узбекистон таҳти роҳбарии Вазири умури хориҷии кишвар ба Тоҷикистон меоянд
Қодири Қосим гуфт, пас аз боз шудани гузаргоҳҳои сарҳадии Тоҷикистону Узбекистон ва барқарор шудани муносибатҳо рушди босуръати ҳамкориҳои дуҷониба мушоҳида мешавад.
Дар ҳамин ҳол зимни суханронӣ муовини Раиси вилояти Суғд Анвар Яъқубӣ таъкид дошт, ки баргузории семинари мазкур вобаста ба масъалаҳои меҳнат дар сатҳи минтақа аввалин буда, барои намояндагони ҳарду ҷониб таҷрибаи хубе хоҳад буд.
Сипосгузории Узбекистон аз Тоҷикистон барои пешсафӣ дар ҳалли мушкили глобалӣ
“Дар вилояти Суғд ҷиҳати фароҳам овардани шароити мусоиди корӣ барои кормандон, афзудани ҷойи холии корӣ, дастгирию ҳавасмандгардонии коргарон, ҳифзи ҳуқуқу озодиҳои аҳолии қобили меҳнат чораҳои зарурӣ андешида мешаванд”, – афзуд ӯ.
Дар ҷараёни кори семинар вобаста ба таҷлили 100-солагии Ташкилоти байналхалқии меҳнат (МОТ) ва натиҷаҳои Конфронси умумиҷаҳонӣ доир ба ин сана, қабули қарордоду конвенсияҳо оид ба ҳимояи ҳуқуқи кормандон маърӯзаҳо ироа гардид.
Инчунин, масъалаҳои нақши иттифоқҳои касаба дар таъмини барномаҳои давлатӣ доир ба меҳнати арзанда, таҷрибаи иттифоқҳои касабаи ҷумҳуриҳои Тоҷикистон ва Узбекистон низ мавриди таҳлил қарор дода шуданд.