ДУШАНБЕ, 11.06.2024 /АМИТ «Ховар»/. Имрӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо Раиси иҷлоси 78-уми Маҷмаи Умумии Созмони Милали Муттаҳид Деннис Фрэнсис мулоқот намуданд. Дар ин хусус ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.
Дар мулоқот ҷонибҳо оид ба ҳамкорӣ дар самтҳои энергетикӣ, нақлиётию коммуникатсионӣ, кишоварзӣ, фарҳангию гуманитарӣ ва иҷтимоӣ ибрози андеша намуданд. Ёдовар мешавем, ки мулоқот дар ҳошияи Конфронси сеюми байналмилалӣ оид ба Даҳсолаи байналмилалии амал «Об барои рушди устувор, солҳои 2018-2028», ки дар шаҳри Душанбе доир мегардад, баргузор шуд.
